Contos musicais: Mamá Cabra: Paxaro amigo. Proximamente en Concerto

O novo espectáculo de Mamá Cabra, inspirado no reciente libro publicado polo grupo “A Bruxa discordia”, en colaboración con Carmen Gil, unha proposta cargada de mensaxes que inciden en construír un mundo mellor e máis xusto.

Discordia é unha bruxa que é feliz destruíndo a paz. De feito, a paz prodúcelle picores por todo o corpo dende o cocote ata a punta do pé.

Discordia disfruta facendo que todos os animais, e os humanos, se leven mal. E come olivas como unha tola... Menos mal que ten unha curmá fada … pois xa se sabe que na familia haiche de todo.

Un día vai acontecer algo que cambiará o seu mundo, e o mundo enteiro, para sempre.

“Que todos nun pispás,

compartan cos demais,

dando amor ao redor,

que en paz se vive … mellooooooorrrrrr.”

MAMÁ CABRA é un grupo de música infantil galego que comezou a súa andaina no ano 2.000. A idea orixinal naceu de Gloria Mosquera Roel, que preparaba cancións para as súas clases de Educación musical. O grupo ten como formación básica cinco músicos: guitarra eléctrica, baixo eléctrico, batería, vento e voz, e noutras pezas inclúen coro, acordeón e outros instrumentos.

Componentes do grupo:

Gloria Mosquera Roel: voz
Pablo Dalama Piñeiro: flautas, gaitas, saxofón
Paco Cerdeira Castiñeiras: guitarra eléctrica
Diego Maceiras Pedreira: acordeón, acordina
Rodrigo López Muñoz: batería, percusión
Tomi López Serrano: bajo eléctrico, guitarras
Pauna Romero Canedo: coro
Sandra Romero Canedo: coro
Montse Rivera Crespo: coro
Merchy Rozas: coro
Miguel Flores: coro

GLORIA MOSQUERA ROEL