A Escola Municipal de Música de Vigo (EMMV), en colaboración co Concello de Vigo, realizan un concerto didáctico para os alumnos de 3º, 4º, 5º e 6º de educación primaria do CEIP Eduardo Pondal, coa temática de música para a tolerancia.
Na realidade social na que vivimos, na que os conflitos e os enfrontamentos entre as persoas ocasionados polas súas diferenzas dificultan a convivencia, empregamos a música para educar para a tolerancia, porque é unha linguaxe universal que non entende de fronteiras nin de discriminacións.
Aprendemos e traballamos músicas de distintas culturas: remitidas pola Escola Municipal de Música de Vigo:
Esta peza pertence a tradición musical xudea, concretamente ao repertorio Klezmer.
O pobo xudeu foi expulsado das súas terras hai máis de 3.000 anos e a partir de entón asentouse en diferentes países levando consigo a súa cultura e as súas raíces. A súa vez asimilaron influencias das comunidades coas que conviviron. Precisamente desta influencia cultural xorde en Europa Oriental o estilo Klezmer con pezas para actos festivos, especialmente vodas.
Joan Báez e Bob Dyland
Ao longo do seu exilio, o pobo xudeu sufriu múltiples persecucións e matanzas. Esta historia tivo o seu punto álxido durante o réxima nazi en Europa, que planificou o exterminio total do pobo xudeu provocando seis millóns de vítimas. A estes terribles feitos alude o texto da próxima canción que imos escoitar: Donna, Donna. Nela, compárase a situación dun becerro conducido ao matadoiro coa deportación dos xudeus na Segunda Guerra Mundial.
Louis Amstrong
Descende Moisés, fala da fuxida dos xudeus de Exipto onde vivían como escravos en condicións parecidas nas que estaban os africanos en Norteamérica.
Esta peza é de tradición musical afroamericana, é un espiritual negro, un canto relixioso no que se mesturaban os ritmos de África coas melodías dos himnos dos colonos brancos. Tamén estaban baseados no patrón africano de chamada e resposta cun líder cantando e contestado polo coro.
- I GOT
RHYTHM de George and Ira Gershwin.
George e Ira Gershwin
A partir do espiritual, fusionado con outros estilos musicais como o blues o ragtime, xurdiu a música de jazz que é probablemente o estilo máis universal da música afroamericana. Tamén aquí os músicos de jazz baseáronse en melodías populares, a miúdo de musicais, para facer versións no seu estilo. Este é o caso da seguinte peza: I¨ve got Rhythm do compositor G. Gerswing que orixinalmente compúxose para o musical Girl Crazy e posteriormente empregouse na banda sonora da película "Un americano en París" dirixida por Vicent Minneli e gañadora de varios Óscar.
A última cultura que imos abordar ten a súa orixe na indica. Estamos falando da comunidade xitana que durante o século XV asentouse en Europa. A súa música foi recibindo influencias dos diferentes pobos cos que tiveron contacto na súa peregrinaxe e así segundo a zona na que estiveron deu lugar ás diferentes denominacións que hoxe coñecemos: cíngaros en Europa oriental, gypsy nos lugares de fala anglosaxona e xitanos en España.
Django Reihard
Alá onde habitaron, o pobo xitano asimilou características das culturas autóctonas para reinterpretalas según as súas propias tradicións, facendo manifestas as posibilidades de multiculturalidade e a mestizaxe.
Nesta peza o xenial guitarrista belga Djanbo Reinhardt funde a música xitana e afroamericana para crear un xénero novo, coñecido hoxe como gypsy jazz.
